احسن طريقة ترقدو بيها الزيتون الأخضر فالدار بطريقة صحية، يوجدلكم فمدة قصيرة و يتخبا لمدة طويلة اذا عرفتو تخبوه، ننصحك تبعوا الخطوات هذي : - نخيرو الزيتون اي يكون شباب و فيه الما ماشي ناشف و يابس انا فالفيديو درت زوج كيلو و رطل - ندڤوه نزيدو نغسلوه ثلاث مرات بما سخون و نعمروه في بلارة مع ربع مغارف كبار ملح و ما سخون لمدة يومين حتى تروح المرارة ديالو - بعد يومين نبدلو الما و نديرو كيما المرة الأولى و نخلوه يومين و بعد يومين نرموا هذاك الماء - الخضرة قطعوها صغيرة و كثروا من الزرودية حتى لزوج كيلوا ماشي بزاف معش شوية زيت زيتون و خلطوهم و عمروهم فالبلارة - الماء اللي نزيدوه نديرولو حبة بيض و نزيدو الملح حتى تطفوا من فوق، تقريبا 6 مغارف كبار ملح و نزيدوه مع فنجان خل - نغلقوه بزوج فناجم زيت زيتون باه ما يفسدش و يكون طبقة عازلة للبكتيريا و نخلوه يترقد - بعد أسبوعين تقدرو تبداو تاكلوا منو، على حساب الزيتون ديالكم - كي تفوتو تفتحو بلارة لازم تاكلوها و متتخباش لمدة طويلة بزاف ( أشهر ولا عام ) _____________ #olives #olivesvertes #زيتون #زيتون_أخضر #recette #cuisine #chef #ترقيدالزيتونة #مخلل_بلدي