مين متحمس يطبق النصايح دي و يخس لوحده 😍 ؟؟ شجعوني عشان اكملها كلها🥰 فيديو امبارح عرفتكم أساسيات اكل النشويات و الكميه و الطبخ. انهارده هشارك معاكم القاعدة السرية بتاعتي في كميه النشويات لو مش بتعرفي تحسبيها. قاعده ٢ ٦ ١ لكمية النشويات في الوجبات التلاته علي مدار اليوم. الهدف منها ان كميه النشويات الكبيره تكون في أول اليوم و أخره نقللها يعني ازاي ؟ 💡٢ ده عدد النشويات في الفطار يعني ٢ توست ٢ ربع رغيف ( نصف رغيف ) ٦ و هي كميه النشويات في الغدا و هي ٦ معالق من مكرونه او رز او شوربه لسان عصفور 💡١ كميه النشويات في العشا هتكون ١ توست او ١ عيش تورتيلا صغير او ١ بطاطس كبيره. دي طريقه بسيطه لو مش بتعرفي تحسبي اوي الكميات لكن برده زي ما بقولكم علي طول هتختلف من كل شخص و التاني و حالته الصحيه و احتياجه لكن الهدف من الفيديوهات دي اني أسهل علي الناس اللي مش هتقدر تتابع مع حد او الناس اللي حابه تخس لوحدها 🥰 قولولي اسئلتكم في التعليقات

قولولي لو حابين اكمل باقي أجزاء الفيديو عشان تعرفوا ازاي تعملوا دايت لنفسكم 🫶🏻 ١- طريقة الطبخ الصحيه هي انك لو هتشوحي الرز الاول استخدمي معلقه ممسوحه من الزبده او زبده جوز الهند ده بيقلل من تأثير سكر النشويات علي الدم و المكرونه بلاش تسلقيها جامد. ٢- دايما خلي النشويات جنبها حاجه و متكليهاش لوحدها ٣- زودي حجم الوجبه يعني حطي خضار علي المكرونه و الرز و انتي بتعمليها ده هيحسسك انك بتاكلي كتير منها ٤- هتحتاجي من ٦ ل ٨ معالق من النشويات في وجبه الغدا قولولي لو عندكم اي سؤال ♥️

مين في المرحلة دي من حياتها و حاسه انها مش قادره تهتم بنفسها ولا تخسر وزن و بتضايق من كلام اللي حواليها ؟ نقطة مهمه محدش اتكلم عنها هي ازاي الأطفال و القاعدة في البيت معاهم طول اليوم بتأثر عليكي و بتزود التوتر عندك اللي بيصعب عليكي كل حاجه اولهم ان وزنك بيزيد و بيطهر عندك بطن. و مش هتلاقي حد فاهم ده اوي و ممكن كمان حد يستخف بالموضوع فا حبيت اعمل الفيديو ده اطمنك انك مش لوحدك و الوضع اللي انتي فيه ده طبيعي و متقلقيش ليه حل حتي لو انتي حاسه بيأس.، و افتكري انك بتعملي أعظم وظيفة في الدنيا♥️

ايه رأيكم في الفكرة دي و تحبوه انها تطبق في المنتجات عندنا و هتكون أسهل عليكم ؟ ال nutriscore ده أول ما شفته عجبني اوي و قريت عنه عشان أفهمه اكتر و طلع ان معظم دول أوروبا دلوقتي القانون بيلزم الشركات انها تحت ال label ده علي منتجاتها و الهدف منه هو تسهيل الاختيارات الصحيه علي الناس. الرقم ده بيتحدد علي كذا حاجه منها كميه السكر ، الدهون ، السعرات و طريقة تحضير المكون ( فيه شويه أخطاء في النظام ده برده لو حابيين اقولكم عليها ) لكن في المجمل هو وسيله كويسه تساعد الناس تختار منتجات أصح اكتر خصوصًا للناس اللي مش بتعرف تقرأ الحقائق الغذائية علي المنتجات و حابين يحسنوا من جوده أكلهم. انا شايفه انها خطوه كويسه و اتمني تطبق في كل الدول لانها بتزود الوعي عند الناس و بتساعدهم علي اختيارات أفضل في أكلهم. اتنتى رأيكم ايه؟ قولولي لو عجبكم الفيديو ده 🥰

ناويين تتسحروا ايه انهارده ان شاء الله ؟🥰 نزلتلكم الفيديو ده رمضان اللي فات و ناس كتير قالت انها حضرت الفطار بالطريقه دي و مكنش عندهم جوع و عطش طول اليوم الحمدلله 😍 السنه دي زودت عليها ازاي تساعدك كمان تخسر وزنك. وجبة السحور ضروري جدًا تكون مشبعه و فيها بروتين كويس و نشويات معقده عشان تخليك شبعان أكبر وقت. كمان كميه البروتين دي هتساعد علي الاحساس بالشبع جدًا و هتقلل احساس الصداع و الإرهاق.. احرصوا وجبه السحور يكون فيها من ٢٥ ل ٣٠ جرام بروتين. النشويات المعقدة ضروري تكون في سحورك و احرص علي ٣٠ ل ٤٥ جرام منها علي حسب احتياجك. النشويات مهمه عشان متحسش بدوخه في الصيام. كمان ضروري يكون في السحور مصد للبوتاسيوم زي الموز ده لانه بيحافظ علي حفظ المياه في الخلايا و ده هيقلل من احساس العطش كمان زود خضروات مائية زي الخيار ده برده هيفرق. اخر حاجه اكيد مننساش المياه في السحور. بس كده و كل سنه و انتم طيبين ♥️♥️ و اكتبولي لو عندكم اي سؤال 🫶🏻