في كتير أسباب بتخلي شهيتنا مفتوحة على الأكل ، و هالشي بيزعج لان احيانا ما منقدر نسيطر على حالنا . بس شو فينا نعمل حتى نتجنب هالشي يصير معنا قدر المستطاع؟ ١. الدورة الشهرية قرّبت فتح الشهية قبل الدورة الشهرية الها علاقة بتغيير الهرمونات ، و قبل أسبوعين تقريبا بتبلشي تحسي حالك انه شهيتك مفتوحة على الأطعمة الغنية بالسعرات الحرارية خاصةً ، ولكن الإفراط بتناول هيك مأكولات بزيد من العوارض قبل الدورة بسبب عدم استقرار مستوى السكّر بالدم والمعروف هو أنه بس يكون مستوى السكّر مستقرّ بتكون العوارض أخفّ. لهيدا السبب كل ما تاكلي كل ما تحسي جسمك عم يطلب أكتر و أكتر و بضلك بهيدي الدوامة حتى يصير معك مشاكل هضم🤰🏻 ٢. نتأكد انه عم نشرب ماي بشكل كافي . مش ورا بعض ، ضروري تقسميهن حتى جسمك يستفيد منن بشكل صحيح . مش حتى تخلصي منن تشربيهن ورا بعض رح تقضي وقتك بالحمام🫠 قلة شرب الماي رح تحسسك بالجوع "الكاذب" و رح تقومي تاكلي و انت اساسا جسمك عم يطلب سوائل مش أكل .لهيدا السبب اتأكدي انهعم تقسمي كمية الماي خلال يومك بشكل صحيح و متساوي ٣ . مش مدخلة بروتين بشكل كافي لوجباتك ضروري نتأكد انه بكل وجبة لازم يكون فيه نسبة بروتين كافية حتى نحس بالشبع لفترات أطول ، لما تاخدي وجبة ما فيها بروتين رح تحسي جسمك عم يطلب اكل كل شوي لان ما اخد نسبة كافية من البروتين . ٤. تبلشي نهارك بسكريات من أكبر الأغلاط يلي ممكن ترتكبيها ، هو انه تبدي نهارك بشي سكر على الريق اول ما تفيقي . لما تكوني نايمة كل النهار ، و بس تقومي تاخدي على وجبة الفطور وجبة غنية بالسكر هالشي رح يكون عم يلعب بمستوى السكر بالدم بشكل كبير و يعلى عندك هرمون الإنسولين يلي ما رح يخليكي تسيطري على حالك و ضلك تطلبي اكلات غنية بالسعرات الحرارية . لهيك انا بفضل دايما بس بدك تاخدي شي حلو تكوني آخده قبلكه وجبة فيها جميع العناصر الغذائية حتى ما كتير يأثر عليكي بشكل سلبي . و دايما اتذكري ، انه قادرين نخفف قدر المستطاع هيك عوارض ، بس ما فينا نوقفها نهائيا لان نحنا لشر بس آلات ،و الجسم بيتغير و عنده هرمونات ايام ما فينا نسيطر على هالشي ، لهيك لازم نتقبل من فترة للتانية هيدا الموضوع و ما نتعامل مع جسمنا كعدوّ لإلنا و ننسا كل شي منيح بيقدملنا ياه 🫶🏻#فريق_آية