رح اكتب بهاد البوست حتى شوفو بالمستقبل شكرا من قلبي على كل الكلام الحلو الي وصلني منكم❤️ مرحلة جديدة بمجال الطيران بعد المرحلة الي كنت فيها كمدرّب طيران. من ٣ شهور ولله الحمد حصلت على وظيفة مع احدى شركات الخطوط في امريكا. وخبيت عنكم الموضوع بس على بين ما كل شي يمشي وكلو يكون تمام. وهاد كان سبب سفري وسواقتي الطويلة من مكان لمكان حتى خلص اجراءات وكورسات معينة بـ ٢٠١٨ حكيتلكم بفيديو على يوتيوب شو حابب كون، واول قرار كان هو اخذ مسافة من السوشل ميديا. ولله الحمد عم اوصل بتوفيق من الله ودعم اهلي واصدقائي الغاليين على قلبي والناس الي بتحبني. الطريق ما كان سهل أبداً واكتر شي سلبي فيه هو الغربة ولما احياناً بيغلبني الشعور بالوحدة. بس شايف طريقي وبعرف شو بدي، بحاول اعمل جهدي لحتى اعمل من كل شي سلبي شغلة ايجابية ومتل ما بقولو الضغط بيعمل إلماس، انا ما قصدي انو انا إلماس، لأ انا احسن 😝 بحبكم ❤️ وانتو كمان حاولو تعملو من كل شي سلبي شغلة ايجابية. خبر تاني كمان، رح ارجع على يوتيوب وشارك معكم رحلتي، بس لاستقر شوي، يعني كمان كم شهر ان شاء الله. تحياتي ✌🏼