مكونات السليق دجاج او لحم كوبين الى ٣ اكواب رز حبة قصيرة منقوع ومغسول لسلق الدجاج استخدمت لتر ونص مويه مع حبتين بصل مقطعة من النصف وممكن شوية مستكة ( اختياري ) ملح حسب الرغبة نذوب ٧ الى ٨ ملاعق حليب بودرة مع نص لتر مويه علبة قشطة زيت ومعجون طماطم لتحمير الدجاج في الفرن مع فلفل اسود وكمون وفلفل احمر ورشة كركم . . واستخدمت منتجات فريشكو وحافل 😍 عندهم منتجات كثيرة ومتنوعة مره رهيبة الطريقة : نسلق الدجاج بمويه بحرارة الغرفة ونشيل الزفر منو اذا طلع وبعدها نضيف البصل والمستكة و الملح وبعد مايستوي الدجاج نشيلو وندهنو بالزيت والبهارات ونحمرو من فوق في الفرن ،، بعدها نصفي المرقة ونضيف عليها الرز المغسول والمنقوع و نخلي النار متوسطة ونغطي القدر ونتركو ١٠ دقايق وبعدها نفك الغطا ونبدأ نقلب ونشوف اذا يحتاج موية نزود مويه مغليه لين تحسو الرز بدأ يتهري واخر شي نضيف الحليب ونقلب بإستمرار وقبل مانقفل بشويا نضيف القشطة كمية المويه انتو تتحكمو فيها على حسب كمية الرز وكيف تحبوه سائل ولا جامد السليق !! انا احب السليق خفيف وسائل .. ولازم ناكلو وهوا حار قبل مابيرد وينشف ونحط معاه قطع زبدة او سمن ويقدم مع سلطة حارة وبالعافية عليكم . . #الفريش_من_طعمه_يبان #حافل #فرشكو #أبار # للحلاوه_أصلها #يومك_حافل #يومك_حافل #hafel #freshco #اعلان #يوم_التأسيس