الكحك البيتي بتاع زمان😍 المقادير:- ٤ ونص كوب دقيق رشة ملح صغيرة اوي ١ معلقة كبيرة سكر بودر نص معلقة صغيرة ريحة كحك او اسمها بهارات الكحك من العطار ١ معلقة صغيرة بيكنج بودر ٢ معلقة كبيرة سمسم ربع كوب مياة دافية ١ معلقة صغيرة خميرة فورية من @Dreem - دريم ٢ معلقة كبيرة سكر بودر ١ ونص كوب سمنة شوية نصايح تطلع معاكم كحك ولا غلطة🤤❤️: * السمسم لو محمص مش بنعمل خطوة اننا نحطه في السمنة دي، بنحطه ع طول ع الدقيق عادي مع باقية المكونات. * النص كيلو دقيق المفروض ياخد ربع كيلو سمنة ، بس ده هيطلع الكحك متماسك و مش دايب ، انما لو عاوزينه يكون دايب زودو السمنة يعني زي ما انا عملت في الفيديو. * افضل نتيجة بتطلع لما بنقدح جزء من مقدار السمنة و الجزء التاني نسيحه بس ، ده بيدينا طعم السمنة الحلو و ف نفس الوقت ميكنش تقيل او حامي على المعدة. * لما بننزل السمنة سخنة على الدقيق بنقلب بمعلقة خشب عشان العجين بيكون سخن جداً مينفعش نلمسه بإيدينا الا لما يبرد. * مهم جداً خطوة ( بس العجينة ) بعد ما نحط السمنة على الدقيق و العجينة تبرد، لازم نفضل نفرك العجينة بين إيدينا كدة زي ما شوفتوا في الفيديو ، احنا هنا مش بنعجن احنا بس بنعمل كدة عشان ندخل السمنة في كل الدقيق كويس اوي ، والخطوة دي اقعدوا اعملوا فيها ربع ساعة . * اول ما نحط الخميرة و المياة مينفعش خالص نقعد نعجن ، براحة جداً هنحاول ندخل المياة و الخميرة جوا العجينة لحد ما تتشربها كلها. * مجرد ما العجينة اتشربت خلاص المياة و الخميرة ، بنختبر واحدة كدة نكورها و ندوس عليها ولو عملت تشققات كدة يبقا الدقيق زيادة ف هاتو معلقة سمنة و زودوها و لو لسة يبقا زودوا معلقة كمان لحد ما تظبط و ميكنش فيها اي تشققات. * بتسيب العجينة ترتاح ١٠ دقايق بس، وبعدين نبدأ نشكلها و ضروري ننقش واحدة واحدة ، مش نسيبهم كلهم و بعدين ننقشهم في الآخر. * بالنسبة للتسوية: بندخل الصاجات على فرن سخن على درجة حرارة ١٦٠ ف الرف الي ف النص و بنكون مشغلين من تحت و مروحة ، مجرد ما يعدي ١٠ دقايق بالكتير هتلاقوا بدأت تاخد لون من تحت ومع المتابعة ، على حسب فرنكم بقا ممكن يخليها تاخد لون لواحدها ، او ممكن تفتحوا عليها الشواية اخر دقيقتين مثلا وتاخد لون خفيف من فوق. يعني وقت التسوية كله حوالي ١٥ دقيقة. * اول ما الكحك يطلع بيكون دايب جداً ومش ماسك نفسه ف حاولوا متحركهوش كتير او تخبطوه عشان ميتهريش ، واول ما يطلع ويهدا بنرش عليه السكر البودر. وبس كدة😍 دي تقريباً كل النصايح و الخطوات الي تطلع معاكم كحك مظبوط من اول مرة 🥰 لازم تجربوه بجد لان مفيش مقارنة بين الكحك البيتي و بتاع برا😍 هستنا رأيكم و اسئلتكم ف التعليقات و الرسايل و بالهنا و الشفا مقدماً وعيد سعيد عليكم يارب😍😍 #دريم #لمة_العيلة_هي_العيد #recipeswithnouran #nouran_sakr #foodie #foodporn #عيد_الفطر #كحك_زمان_الأصلي #الكحك_البيتي #كحك_العيد_المصري