ဆူညံလို့ တိုင်ကြားခံရတဲ့ မြန်မာလူငယ် ၄၀ ပြန်ပို့ဖို့ ထိုင်းစီစဥ်နေ မဲခေါင်၊ ဧပြီ ၉ မြန်မာနိုင်ငံ တာချီလိတ် အမှတ် (၁) ချစ်ကြည်ရေးတံတားကနေ ဧပြီ ၆ ရက်ကနေ ၈ ရက်အတွင်း ဖြတ်ကူးလာ တဲ့ မြန်မာနိုင်ငံသားလူငယ် အယောက် ၄၀ ဟာ ချင်းရိုင်ခရိုင် မယ်ဆိုင်မြို့ ရွမ်ဖိုငန်ရွာက နေအိမ်တစ်လုံးကို ငှားရမ်းနေထိုင်ရာမှာ အုပ်စုလိုက် ဆူညံနေလို့ တိုင်ကြားခံရမှုကနေ ဖမ်းဆီးခံရပြီး မြန်မာနိုင်ငံ ပြန်ပို့တော့မယ် လို့ MAESAIPRESS မီဒီယာက ဧပြီ ၉ ရက်နေ့မှာ ထုတ်ပြန်ခဲ့ပါတယ်။ ရွမ်ဖိုငန်ရွာ အုပ်ချုပ်ရေးမှူးနဲ့ ဒေသခံရဲတပ်ဖွဲ့ရဲ့ စုံစမ်းစစ်ဆေးမှုအရ ဒီလူငယ်တွေဟာ ပတ်ဝန်းကျင်းရွာသားတွေ အနှောင့်အယှက်ဖြစ်အောင် ဆူညံနေမှုအပြင် ထိုင်းနိုင်ငံ သတ်မှတ်နယ်စပ်သွားလာခွင့်ကို ကျော်လွန်ပြီး ထိုင်းနိုင်ငံအတွင်းပိုင်းအထိ ထပ်သွားဖို့ စီစဉ်နေသူတွေလို့လည်း ဆိုပါတယ်။ ဒါကြောင့် ဒီလူတွေကို မြန်မာနိုင်ငံဘက် ပြန်ပို့ဖို့ ထိုင်းအာဏာပိုင်တွေက စီစဥ်နေပြီလို့ အဲ့ဒီသတင်းမှာ ဖော်ပြပါတယ်။ ဒီစစ်ဆေးမှုနဲ့တစ်ဆက်တည်း အငှားနေအိမ်တစ်လုံးက မြန်မာ အမျိုးသားတစ်ဦးကိုလည်း ဖမ်းဆီးရမိခဲ့ပြီး ဒီအမျိုးသားကတော့ နယ်စပ်ဖြတ်သန်းခွင့် Border Pass လဲမရှိ၊ အထောက်အထားလည်း လုံး၀မရှိဘဲ ခိုးဝင်နေထိုင်ကြောင်း သိရှိခဲ့လို့ အရေးယူမှုတွေ လုပ်ဆောင်ဖို့ စီစဉ်နေကြောင်းလည်း သိရပါတယ်။ Ref: MAESAIPRESS MKF-001 #MeKongNews #ထိုင်း #နယ်စပ် #မယ်ဆိုင် #ဆူညံ #ပြန်ပို့

ဟုမ္မလင်းရှိ စစ်တပ်၊ ပျူစောထီး ပူးပေါင်း စခန်း ၄ ခုကို တိုက်ခိုက်သိမ်းပိုက်မှု လက်နက် ၁၀၀ ကျော် သိမ်း ဆည်းရရှိ ရန်ကုန်၊ ဧပြီ ၈ စစ်ကိုင်းတိုင်း၊ ခန္တီးခရိုင်၊ ဟုမ္မလင်းမြို့နယ်တွင် အကြမ်းဖက်စစ်တပ်နှင့် ပျူစောထီးတို့ ပူးပေါင်းတပ်စွဲထား သော စခန်း ၄ ခုကို တိုက်ခိုက်သိမ်းပိုက်ခဲ့ရာ လက် နက် ၁၀၀ ကျော် သိမ်းဆည်းရရှိခဲ့ကြောင်း အမှတ် ၁ စစ်ဒေသက ထုတ်ပြန်သည်။ မတ်လ ၃၀ ရက်နေ့မှ စတင်၍ ဧပြီလ ၇ ရက်နေ့အထိ ဟုမ္မလင်းမြို့နယ်၊ အင် ကြင်းမှော်ရွာ၊ မနော်သာရွာနှင့် ကျွန်းကုန်းရွာရှိ ခမရ ၃၆၉၊ ၃၇၀ နှင့် ပျူစောထီး ပူးပေါင်းအင်အား ၃၀၀ ကျော် ဖြင့် အခြေပြုနေသော အကြမ်းဖက်စစ်တပ် စ ခန်း ၄ ခုကို သိမ်းပိုက်ရရှိခဲ့ခြင်းဖြစ်ကြောင်း သိရသည်။ အဆိုပါ တိုက်ခိုက်မှုကို အထူးလှုပ်ရှား တပ်ရင်း ၄၊ တပ်ရင်း ၈၊ မော်လိုက်ခရိုင် တပ်ရင်း - ၁၊ ခန္တီးခရိုင် တပ်ရင်း - ၁၊ ဖောင်းပြင်မြို့နယ် ပကဖ နှင့် ဟုမ္မလင်းမြို့နယ် ပကဖ တို့ ပူးပေါင်းကာ ၉ ရက်အကြာ တိုက်ခိုက်ခဲ့ရပြီး သိမ်းပိုက်နိုင်ခဲ့ခြင်း ဖြစ်ကြောင်း သိရသည်။ ယင်းစခန်သိမ်းတိုက်ပွဲအတွင်း အကြမ်းဖက်စစ်သားများ အသုံးပြုသော လက် လုပ် သေနတ် အလက် ၂၀ အပါအဝင် လက်နက်ငယ်မျိုးစုံ ၁၃၁ လက်၊ ကျည်မျိုးစုံ ၁၃၀၀၀ ကျော်၊ ရှေ့ထွက်မိုင်း ၂ လုံး၊ ဗုံးသီးမျိုးစုံ ၄ လုံး၊ Drone Gun ၁ လက်၊ Station Jammer ၁ ခု၊ ဓားမျိုးစုံ ၃၀ ချောင်းနှင့် တရုတ် စကားပြောစက် - TSSD ၁၆ လုံးတို့ကို သိမ်းဆည်းရရှိခဲ့ကြောင်း သိရသည်။