आदरणीय अभिभावक, दर्शन नमस्ते ! मलाई धेरै कुरा याद छैनन । सम्झिन बल गरे धमिलो पानीमा हेर्दा देखिने धमिला वस्तु जस्तै छन् । तर बिगतलाई चट्टै भुलेको पनि छैन । पहिलो भिडियोमा आएको पहिलो भ्युज, कमेन्ट । अनि कति सब्स्क्राईबर पुग्यो होला भनेर बेला बेला मनमा चलेको कौतुहलता ! ओ… हो …! एउटा कमेन्ट आउदा पनि हतार हतार रिप्लाई दिन मन लाग्ने ति दिन । जानि नजानी के के बनाइयो बनाइयो । सम्झिँदा अहिले पनि अचम्म लाग्छ । जे बनाइयो बनाइयो । अनि बनाउन प्रेरित गर्ने चाही तपाई । सिकाउने पनि तपाई । याद छ ! म आफै मेरो च्यानलको पहिलो सब्स्क्राईबर थिए । अनि घरपरिवार, आफन्त, साथि भाई सप्पै । जो भेटे पनि मोबाईल मागेर आफ्नो च्यानलको सब्स्क्राईब बटन थिचिहाल्थे । एक एक गर्दै आज एकको पछाडी पाँच शुन्ना थपिन लाग्दैछौ । आहा ! यो शुन्ना भन्ने अङ्क पनि अनौठो के ! कहिले शुन्ना आउदा रुनु पर्ने कहिले शुन्ना थपियो भन्दै खुसी लाग्ने । डा. नवराज केसीको किताबको शीर्षक सम्झिन्छु , शून्यको मुल्य । शून्यको मुल्यमा रमाएकी म शून्यको मुल्य बुझ्दैछु । अनि एउटा कुरा, मेरा सब्स्क्राईबरका अङ्क, ति अङ्क मात्र थिएनन् । मेरो आत्माको आवाज मलाई सुनाउने परमात्मा थिए । मलाई जीवनको बाटो देखाउने अभिभावक थिए । मेरा कमीकमजोरीका साछि थिए । तिनै एक एक गरि जोडिएका नम्बरले मलाई मेरो म बनाए । मलाई मै सङ्ग रमाउन सिकाए ! जिवन जिउन सिकाए । बाँचुन्जेल चल्ने यो प्रिय जिवन चक्रमा म सधै आभारी हुनेछु । तपाईको निस्वार्थ माया नै मेरो हौसला हो । अहिले धेरैले कमेन्ट, म्यासेज गर्नुहुन्छ । म तपाईले बनाएकी एक यात्री कहिले हिमालका गोठमा हुन्छु त कहिले वनजङ्गलमा, कहिले पहाडको खोचमा त कहिले तराईका फाटमा । समयमै रिप्लाई दिन नसक्दा म आफैलाई दु:ख लाग्छ । सबै ठाउंमा शहर जस्तो टावर पनि हुदैन । टावर भेटिँदा रिप्लाई दिनै नसकिने म्यासेजका चाङ हुन्छन् । फेरी तपाई माझ समयमै भिडियो पनि पुर्‍याउनै पर्यो । जिम्मेवारी पनि त भुल्न भएन नि । छोरी बहिनी सम्झेर माफ गर्नुस है । हँसिलो अनुहार भएर होला सम्पन्न लाग्छ । तपाईको मायाले होकी भुकम्पले घर बिहीन हुदा पनि म सम्पन्न नै छु जस्तो लाग्छ । घर त बनाउला नि बिस्तारै । मेरो कमाई खुसी हो जो तपाईहरुले दिनुभएको छ । खुलेर हाँस्न अनि जिउन जानेकी छु । प्रिय लाख मनहरु प्रति म सधै आभारी छु । लाख लाख धन्यवाद ! ! तपाईकी सृजना सिज्जु । #sizzu💚 #explore #alwayspositive💜 #letsbereal🦅 #lovetoworld🌎 #happy100k #100ksubscribers #100kjourney join my ytb and insta ❤️ malai tiktok chalxa vanne pani tha thiyna but aaja kasari chalio😄